مسرح

 

 

اولاد الحج عربي

 

 

 

المشهد الاول

 

 

 

 

 

 ابليس :    ابليسة..ابليسة..يا مدام ابليسة انتي فين..

 

ابليسة..عندك اوع تطلعلي زي ما انتا ..انتا عارف اننا بتوحم وعايزة الواد يطلع حليوة مش زي خلقتك    

 

ابليس..بتتوحمي يعني شايلالي عمرو دياب ياختي كشي..وبعدين تعاليلي هنا مش زي خلقتي ازاي هوانا وحش للدرجادي..وبعدين ايه اللي عاجبك في البني ادمين دولة مش فاهم انا..

 

ابليسة..لا العفوانت الاحلى واللي عليك العين بس قديم شوية تعلالي في جتة حلوة ترد الروح من فضلك ..يلا بقا خليك مطيع..

 

ابليس ..حاضر يا ستي اما نشوف اخرتها معاكي ..

 

ابليسة..كل خير ان شاء الله..

 

ابليس.. اخ يا ست عيب كدة انتي انحرفتي ع الاخر..

 

ابليسة..يقطعني ما كنتش اقصد بس تصدق انت اللي جايبولنفسك..

 

ابليس..مش انا بحققلك كل اللي نفسك فيه .. طب كدة نعجب...

 

ويدخل ابليس في شكل ادمي جميل.. ..

 

ابليسة..ايوة كدة ياد يا حليوة انتا حعوز ايه  غير كدة يعني..

 

ابليس..عايزاني اجبلك ايه..اامريني..

 

ابليسة..اه منك انتا طب حيث كدة انا عايزة فول سوداني..

 

ابليس..حاضر..

 

ابليسة..وعايزة مسقعة..

 

ابليس..مسقعة..حاضر..

 

ابليسة..وعايزة غزل البنات..

 

ابليس..يا واد حاضر ومالو من عنيا..

 

ابليسة..تسلملي..وعايزة..

 

ابليس..ايوة..ايه..

 

ابليسة..استنى اما افكر..ايوة بقلك ايه اخبار صحبك اللي اخذ بالجزمة فوشو.. والثاني اللي اسمو ايه ده..اسمو ايه يا ابليسة..اسموايه يا ابليسة بقيت بنسا كثير..

 

ابليس..تقصدي نتانياهو..

 

ابليسة..الله ينور عليك..هوده..

 

ابليس..ما تلمي الدور وبلاش تاذيني..

 

ابليسة.. معلش يا حبيبي انا بقيت بنسا  كثير ان الشيطان كان لربه عصيا..معلش..

 

ابليس..قصرو عايزة ايه من الهلافيت زفت الطين دول..وايه اللي فكرك بيهم..

 

ابليسة..مش عايزة منهم حاجة دلوقتي خلاص روح جيب اللي قلتلك عليه..

 

ابليس..حاضر يا برينسيسة انتي تامري امر..

 

ابليسة..ما نحرمشي منك يا سبعي..

 

ابليس..ههههههههههه

 

ابليسة..جاتك خيبة فضحكتك اللي تشل الركب دي..اعوذ بالله منك راجل..

 

ابليس..ااااااه..ااااه..اه بتحرقيني يا ملعونة..

 

ابليسة..اسفة يا حبيبي مش حتتكرر..اجري هات الحاجة بقا..

 

ابليس..الامرليه..

 

 

 

المشهد الثاني

 

 

 

محمود..على بابك يا رب..يا رب ترزقنا من نعيمك يا رب..

 

ناذر..صباح الخير يا خويا..

 

محمود..صباح الفل يا ناذر..ازي الحج النهرضة..

 

ناذر..الدكتور اداه دوا يخفف عنو الالم وقال انوفي ايد ربنا..

 

محمود..تقصد ايه يا ناذر انا امبارح بالليل كنت عندو وكلمني..وبعدين كلنا في ايدربنا يا راجل خليك مؤمن..

 

ناذر..يا محمود الراجل بيقول انو بحالتودي ممكن ما يكملشي اليوم..

 

محمود..تف من بقك يا راجل حرام عليك الاعمار بيد الله..

 

ناذر..ونعم بالله..

 

محمود..بقلك ايه..انا حروح لودلوقتي وانت روح عاين ارض المصنع بسرعة ما ترجعشي هنا تعالى ع البيت انا حتلاقيني هناك مستنيك..

 

ناذر..والشركة..

 

محمود..شركة ايه دلوقتي ابوك عيان ومحتاجنا دلوقتي يلا بسرعة ..

 

ناذر.. حاضر ياكبيرانت تامرني امر..

 

محمود..الامرلله  من قبل ومن بعد يلا بينا..

 

(في اللحظة دي يرن تلفون المكتب).

 

محمود..الو...ايوة ياغادة..ايوة في ايه مال صوتك..مش سامع حاجة..ايه..لا اله الا الله..

 

ناذر..في ايه يا محمودابوك جرالو ايه..

 

محمود..البقية في حياتك يا ناذر...............

 

 

 

المشهد الثالث

 

 

 

ابليس..هاهاهاهاهاها..

 

ابليسة..ما بلاش الضحكة البشعة دي انت بقيت بيئة خالص يا ابليس..

 

ابليس..اشمعنا دلوقتي اللي بقيت بيئة..ومبقتش اعجب سموك..الله يرحم ايام زمان..

 

ابليسة..  انا مليون مرة قلتلك ما تضحكشي كذا انت زعيم والزعيم لازم يكون محترم..

 

ابليس..انا محترم غصبن عن عين.....

 

ابليسة..ابليس..

 

ابليس..ما انتي اللي بتجننيني بكلامك..ما فيش حاجة فيا بقت عجباكي انتي تلميتي على حد ثاني ولا ايه..

 

ابليسة..ليه بقا الكلام الوحش ده.. ما فيش في القلب غيرك يا جميل..ما علينا هات الحاجات اللي قلتلك عليها..

 

ابليس..حاجات ايه يا حبيبتي..

 

ابليسة..يا لهوي حبك برص يا بعيد.. شطان انتا انا بعتك تجيب فول سوداني ومسقعة وغزل البنات وانت جيت ايد ورا وايد قدام وعمال تسم بدني بكلام ملهوش معنى..انت ايه حكايتك الايام دي..

 

ابليس..ابليس(يضرب جبهتو)اوه معلش يا حياتي انا نسيت الحكاية دي خالص هفهمك اصل وانا رايح اجبلك اللي انتي طلبتي لقيت راجل بيموت اما خشيت خزنتومن باب الفضول اطلعت على وصيتولقيت الاهبل عامل عدل بين الورثة بتوعو وده بالطبع ما يرضينيش يا حبيبتي فغيرت فيها شوية..ما تحملشي اللي انا عملتو طب ساكت..

 

ابليسة..انت مش حتبطل نذالتك دي..

 

ابليس..انا سعيد يا حياتي..

 

ابليسة..يا سلام..

 

ابليس..افديك الساعة حبيبة قلبي توصفني باحب الصفات الجميلة فيا..

 

ابليسة..وحتعمل ايه يا فالح دلوقتي بعد ما خربتها وقعدت على تلها ..

 

ابليس..ولا حاجة حقعد اتفرج..

 

ابليسة..يا شماتة كل الخلايق فيك يا ابليسة روح هاتلي الحاجات اللي قلتلك عليها والا قسما عظما لاكون ناطعاك وحدة من الدعوات اللي بتحرق عظامك وتنهش جتتك ..يلا يا بعيد غور من وشي السعادي واياك تجيني من غيرها ساعتها ما فيش نار ممكن تحميك مني..

 

ابليس..انتي مين يا ماما فوقي لنفسك وشيلي شوية الغباوة اللي ماليا دماغك دي..

 

ابليسة..انا مين..هي حصلت..يا ابليس..

 

ابليس..لا خوفتيني ياختي..بصي اهم قدامك استني امااعدهم (ويشيرللقاعدين قدامو)..                   واحد.اثنين..ثلاثة..عشرة..ماعلينا من عددهم الناس دولت بيني وبينك اساليهم لو حدمنهم يعرف بوجودك.

 

ابليسة.. يعني ايه..

 

ابليس..يعني يا جميل محدش يعرف اننا متجوزك يعني انتي عندالناس دي كلها ما فيش..عشان كدة لمي الدورواحترمي نفسك..

 

ابليسة..ده اخرت صبري معك يا قاسي..طيب ..هئ هئ هئ ..انا اللي استاهل هوالواد اللي جوايا ده ابن مين..

 

ابليس..وانا ايش عرفني انو وادولا كورة بقالك يجي سبعميت ثمنميت سنة بتتوحمي ده انتي شيلتي الديناصورات طرابيش..

 

ابليسة..كدة كثرخيرك..هيئ هيئ هيئ..

 

ابليس..بلاش البكا ده انا بضعف وبتالم لما بتبكي..

 

ابليسة..ما انت اللي كل شوية كاسر بخطري وشوية حاجات هايفة نفسي فيها ما قدرتش تجيبها..

 

ابليس..حاضر يا حبيبتي حقك عليا بلاش انتي تزعلي نفسك..انا رايح اهو..يلا اضحكي..

 

ابليسة..لا..

 

ابليس..يلا اضحكي امال..

 

ابليسة..هااااهااااهااااهااا(وتخرج من الخشبة جري)

 

ابليس..جاتك خيبة في ضحكتك دي قال ايه انا ضحكتي وحشة..بالزمة ياستات دي ضحكة تضحكها الست لجوزها بلاش تحيز يعني مش عشان هي زيكو حتقولو اه طب وانتو يا رجالة دي ضحكة تحبو مراتاتكم تعملها..ايوة هو ده الشغل اللي مراتو تضحك كدة يروح  على طول ع الماذون ويخلص بقا من القرف ده..

 

ابليسة..انت لسا هنا يا حبيبي..

 

ابليس..لا انا وصلت جمعة الدول يا حبيبتي ..سلام مش عايزين حاجة انتو كمان من هناك..

 

 

 

 

 

 

 

 

 

المشهد الرابع

 

 

 

ناذر..لا حول الله يا رب انا لسا مكلمو وكان فرحان باللي احنا عملناه ووعدني ان الصفقة الجاية حنخش فيها شركا انا وانتا ..

 

محمود..الله يرحمو ديما كان عادل بين ولادو..

 

ناذر..الله يرحمو..هيئ هيئ هيئ..

 

محمود..يا اخي

 

 ده محتاج منا الرحمة مش الدموع بلاش نحرقو..

 

ناذر..غصبن عني ياخوياانا مش قادراتصور اننا حنام واصحى ما لقيهوش قدام مني..

 

محمود..لا حول الله يا رب بس يا ناذر انا ما بقتشي قادر..

 

(فالوقت اللي ناذراستمر في البكا ابليس اللي طول الوقت  كان بيتصنت عليهم ابتدا يوسوس لمحمود..)

 

ابليس..انت ما بقتشي قادر على ايه يا باشا انت ناسي نفسك مين ولا ايه ..ده مين ناذر ده اللي انتا عاملوالف حساب كدة سيبويتفلق..

 

محمود..اعود بالله من الشيطان الرجيم ايه الكلام اللي بيدور فدماغك ده يا محمود اوع اتقي الله..

 

ابليس..اااه اااه..كدة بتحرقني الله يلعنك يا بعيد اما وريتك..انتا يا اخينا..

 

ناذر..ايه..مين اللي بينده..

 

ابليس..انا ضميرك واحساس جواك ايه الكلام ده حتقعد تبكي زي الولايا ولا ايه..خلاص اللي مات مات والحي ابقى من الميت ..

 

ناذر..يا ساتر يا رب اعوذ بالله على ده تفكيراسفوخس عليك يا ناذر لو تفكر كدة ده ابوك يا راجل..

 

ابليس..ااااه..ااااه يا ضلوعي بتحرقني يا عرة..الله يحرقكو انتوالاتنين الحق عليا اللي عايزمصلحتكو..

 

محمود..ناذر تعالى كلك لقمة انت من امبارح على لحم بطنك..

 

ابليس..ايوة يا خويا جر ناعم استنى اما يعرف وحتشوف حيحصلك ايه..

 

ناذر..حاضر ياخويا بس تاكل معايا انت كمان من امبارح ماكلتش حاجة..

 

ابليس..بالسم الهاري يا اغبيا ادي دقني ان ما خلتكوش تاكلو بعض.. راجع لكو يا ولاد الحج عربي..

 

محمود..يلا بينا..

 

ناذر..يلا بينا..

 

 

 

 

 

 

 

المشهد الخامس

 

 

 

 

 

ابليس..ايه ده يا ابليس باشا جوز بشر ما قدرتش تخليهم يعملو اللي على مزاجك ايه ده..انت كبرت ولا ايه ولا خلصت حيلك ولا ايه حكايتك..

 

ابليسة..انت عوقت ليه يا ابليس جبت الحاجة..

 

ابليس..حاجة ايه انتي كمان وحياتك تسيبيني في حالي

 

ابليسة..ابليس..

 

ابليس..نعم يا ست الكل في حاجة

 

ابليسة..فين الحاجة..

 

ابليس..عندك بدل الشغال مليون ابعتي اي واحد يجبلك اللي انتي عايزة او اقلك اطلبي ديليفري من اي حتة او خذي بعضك وروحي جيبي اللي انتي عايزاه..او كليه هناك وتعالي..

 

ابليسة..يعني ما بقتشي ماليا عينك يا ابليس وابنك ده اللي فبطني انا جبتو وانا بعمل تشات مع واحد ثاني ولا ايه..

 

ابليس..بس يا ست انتي حتشتغليني وحتبتدي..انا رايح اجبلك الزفت اللي انتي عايزة بس بلاش تزعلي انا عندي قضية تقريبا استعصت عليا وما قدرتش احلها..

 

ابليسة..شوف ابو الابالسة كلهم ..قضية هوحضرتك دفعة انهي جمعة عين شمس ولا الزقازيق... ومن امتا لبست البدلة السودة وبقيت محامي.. دي خيانة بقا سعدتك بتذاكر من ورايا.. قال ايه بعد ماشاب ودوه الكتاب..

 

ابليس..يا ساترعلى لسانك اللي لازمو القص ..ما بلاش تريقتك دي انا حجيبلك اللي انتي عايزاه بلاش شغل الستات ده انتي تعلمتي منهم حاجات وحشة كثيرة ساعات ما بقتشي افرق بينك وبين اي ادمية..

 

ابليسة..افهم يا بجم انا بتوحم واي انثى بتتوحم بتبقى زي التانيين بالضبط دي حاجةعادية والظاهر ان ابنك حيتولد ووانت لسا مش جايب الحاجة وحيطلع اعور واشرب بقا من تريقت الجن والشياطين على سموك..انت اللي جبتو لنفسك..

 

ابليس..لا خلاص وانا اهوحجبلك اللي انتي عايزاه وارجع..

 

ابليسة..ايوة كدة ابالسة ما تجيش الا بالعين الحمرة..

 

(ويمر ابليس ببيت محمود وناذر وما يعجبوش حالهم)..

 

ابليس..ايه ده هوانتو لسا ما فتحتوش الخزنة اخص عليكم يلا يا عم ناذر افتحوالخزنة..

 

ناذر..ما تيجي نفتح الخزنة..يا محمود..

 

محمود..وعلى ايه..يعني احنا مش عارفين اللي جواها ..ده احنا حافضينو واصلا هي مش مقفولة ...

 

ابليس..لايا ناذر اوع الحكاية ما تطمنشي قوموا افتحوا الخزنة ودلوقتي..

 

ناذر..مش حيجرى حاجة لو فتحناها دلوقتي..

 

ابليس..ايوة ما تخليهوش يخمك..

 

محمود.. ومالوروح افتحها..

 

ناذر..نفتحها سوا..

 

ابليس..انت الكبير وهوعمال يقل فادبو عليك حيجرى ايه لو يستنى لغاية بكرة وتفتحوها..

 

محمود..اعوذ بالله من الشيطان الرجيم ايه الافكاردي..

 

ابليس..اااااه يا ملعون بتحرقني اخص....

 

ناذر..قلت ايه..

 

محمود..قلت لا اله الا الله اتفضل تعالى ننده لمحامي ولدك عشان هو المسؤول و نفتحها بس الاول اخزالشيطان وخليك فاكر اننا اخوات ..

 

ناذر..اعود بالله من الشيطان الرجيم..

 

ابليس..ااااه..ااااه بتحرقوني ياولاد الحج عربي اما ورتكوااااه..اااه...

 

محمود..يلا قعدت ليه..

 

ناذر..سيب كل حاجة لبكرة يلا نخرج شوية انا مخنوق..

 

محمود..ايه رايك نصلي العشا في السيدة ونروح نشوف خالي مؤمون الصبح كان زعلان جدا على ابويا في علي مكرم وحالو مش عاجبني..

 

ناذر..زعلان..ده عشرة عمر يا اخي دول كانو زيي وزيك يلا بينا..

 

محمود..يلا..اللهم اخزيك يا شطان

 

ناذر..امين..

 

 

 

 

 

 

 

المشهد السادس

 

 

 

ابليس..ربنا ياخذكويا بعدا..كدة تحرقوني اااه يانا اه ياضلوعي يا ولادالبشر الملاعين اشوف فيكم يوم..اشوف فيكم يوم..

 

ابليسة..انت رجعت..فين الحاجة.. وايه اللي عمل فيك كدة انت رحت السيدة ..

 

ابليس..لا دي بركة دعاك يا شيخة مقدرتش اوقع بين محمود وناذر..

 

ابليسة..مش فاهمة..هما دول اللي رحت تجيب منهم الفول السوداني واللي طلبتو..

 

ابليس..وفرحانة اوي وانتي بتقوليها متشفية فيا لا دول ولاد الحج عربي اللي لسا ميت النهرضة.

 

ابليسة..يالهوي يخيبك انت الظاهر عليك عجزت يا ابليس..

 

ابليس..انا اسف..اخرمرة ..انا رايح طيران اجيبلك اللي انتي عايزاه..

 

ابليسة..يا رب اصدقك..

 

ابليس..خمسة وتلاقيني عندك..

 

(يخرج من بيته ويطير بعيدا الى الخلاء ويطل على اضواء المدينة من بعيد وهوفي اشدالالم والحسرة على نفسه)

 

ابليس..اول مرة يخدلك عقلك يا ابليس..اتنيل انت كمان لو كان ليك عقل ما كنتش اتبترت عالنعمة وعصيت ربنا فاول الحكاية اعمل ايه انا دلوقتي ولاد الراجل سمن على عسل وبيوتهم  زي الجامع وحتى الشركة ...دول حتى مشغلين بدل السكرتيرة سكرتير...ايه..ايوة الله ينورعليك يا باشا هي دي هوانتا مش الست ابليسة مطلعة عينك يبقا ما فيش غيرحرمة اللي ممكن تخدمك..لازمهم ست تخش بينهم...ايوة كدة شفت اما بتفكربتبقى قوي ازاي..يلا يا عم ارجع لمراتك والصباح رباح..السكرتيراللي موجود ده ديتو تحبيشة من بتوعك في فنجان قهوتو والجن الاسود ما حيلاقيلو علة ..قال ايه المسكين بعدما صاحبو وعشرة عمرومات تعب هو من الحرقة ..يبقى المسكين يرتاح ونجيب بدالو دم جديد يرد الروح للشركة وساعتها العب يا معلم..هوده..يلا اروح اجيب حاجات المدام بعدين تنيمني عالبلاط الليلادي..

 

(بعد دقائق في بيت ابليس)

 

ابليسة..اتاخرت ليه انا كنت حنام

 

ابليس..ودي تيجي يا روحي انا جبتلك الحاجات اللي طلبتيها مش ممكن ابني ما يكلشي اللي نفسو فيه..

 

ابليسة..احبك وانت حنين..

 

ابليس..انا ديما حنين حتى اسالي الحتة الشمال..

 

ابليسة..يا جدع احنا كبرنا عالحاجات دي..

 

ابليس..شلاه يا كبيرة..وهوبردواللي كبرع الحاجات دي يجيب عيال اتكلمي عن نفسك يا هانم..

 

ابليسة..تاخذ شوية..

 

ابليس..لا بالف هنا مطرح ما يسري يمري..(بالسم الهاري)

 

ابليسة..مرسي..

 

ابليس..يا ولد يلا تصبحي عليا..

 

ابليسة..هههههههاهاهاو..

 

ابليس..(جاتك خيبة فضحكتك اخص)

 

 

 

 

 

المشهد الثامن

 

 

 

محمود.. دي تالت سكرتيرة تقول عليها لا هوايه قصدوده..

 

ناذر..يا محمود لازمنا وحدةتكون قد المسؤولية زي الراجل الطيب اللي مسك شغل ولدك سنين..

 

محمود..عالبركة بص في وحدة مقبولة شكلا برا يا ريت تشوف مؤهلاتها ايه وتخليها تشتغل اهونغير ونشتغل بنفس..

 

ناذر..قصدك عالبنت المسمسمةاللي فاضلة دي..

 

محمود.. ما قلتش حاجة انا احنا حنصيع ولا ايه..

 

ناذر..لا اله الا الله لا طبعا بس ربنا بيحب الجمال..

 

محمود..طب لم الدور لجميلة تطب عليك وتوريك الجمال اللي على اصولو..

 

ناذر..حط فبطنك بطيخة صيفي جميلة دي ملاك من عند ربنا ..ربنا يخلهالي دي ولا ذهب الدنيا..بص اما اقلك كمان يومين والراجل اللي عيي يخف ويرجع بالسلامة احنا لسا حنعلم السكرتيرةايه لازم تعملو..سيبك من كدةكلووتعالى نفتح الوصية..

 

محمود..الدكترخيري محامي الشركة على وصول..

 

ناذر..طيب اخلي البنت اللي برا دي تشوف رزقها فحتة تانية وارجعلك..

 

محمود..اتفضل..

 

المحامي خيري..البركة فيكم يا ولاد الحج ده راح مننا كلنا..

 

محمود..لا يا دكتر الحج ما متشي ده حسو مالي الدنيا والدليل على كدة ان شغلو ما تعطلشي ولا يوم..

 

ناذر..ايوة يامحمود معاك حق عمر حس الحج عربي ما حيغيب عننا..

 

خيري..ربنا يخليكولبعض يلا باسم الله ولو انكوكنتومعانا لما كتبنا الوصية فمعلش نقراها ثاني ..

 

محمود..انا مش حغير حاجة الدنيا حتمشي زي ما كان هو فيها..

 

ناذر..انا من راي اخويا..

 

خيري..طب توكلنا على الله انا حقرالكم ..بسم الله الرحمن الرحيم انا السيد  عربي منصورابو العز بكامل قوايا العقلية وبحضور المحامي الدكترخيري سلامة العنبري وكل من ابنائي الذكورمحمودعربي منصور ابو العزوناذر عربي منصور ابو العز..بسيب تركتي لابني محمود وهو حريدي لاخوه اللي هوعايزو..ايه ده مش ده اللي انا كاتبو..الغلاف مقفول بالشمع وما حدش فتحو..انا ما كتبتش حاجة زي كدة ولا الحج كان فنيتو حاجة كدة وانتوكنتوويانا وشاهدين على كدة ..

 

 ناذر..ده يعني مش خطك..

 

خيري..لا ده خطي ..بس انتوشاهدين ان الحج ما ملانيش الكلام ده..

 

ناذر..امال ملا مين..انت ساكت ليه يا محمود..

 

محمود..حقول ايه ف حاجة غلط اكيد..

 

ناذر..يا سلام بالبساطة دي وبتقولها كدة وانت مرتاح ع الاخر صحيح اللي ايدوفي المية مش زي اللي ايدوفالنار..

 

محمود..انت تقصد ايه بكلامك وبعدين عايزني اعمل ايه..

 

ناذر..شوف انتا بقا..

 

محمود..ناذر..

 

خيري..اخزو الشطان ياولاد مش كدة..

 

محمود..اعوذ بالله من الشيطان الرجيم..

 

ابليس..الله يلعنك كنت قريب من اللي انا عايزو..اخص عليك الحق عليا اللي عايزك تبقى الكل فالكل بعدابوك يا فقري..

 

ناذر..اعود بالله انا ماقصدشي حاجة بس حاجة تمخول..

 

ابليس..يخرب بيوتكو والله انا سايبهالكومخضرة حطلع بس مصيري الاقي خرم اخش منوواخرب بيوتكويا ولادالعربي...

 

خيري..لازم في حاجةغلط..

 

محمود..بلا غلط بلا دياولو ليه بتصعبوالامور..احنا مش كنا كلنا متجمعين يوميها..

 

خيري..ايوة..

 

محمود..مش ساعتها كنت اول واحد يبارك لنا احنا الاتنين على اللي قررو الحج..

 

خيري..ايوة..

 

محمود..خلاص نقفل عالموضوع ونرمي الكلام ده انا واخويا شركا فكل حاجة..

 

ناذر..بس ان جيت للحق يا محمود الظاهر ان والدك لما تعب لقا انو حرام تضيع فحقك..

 

محمود..حق ايه يا ابني..

 

ناذر..ماتنساش ان صفقة مارسيليا حكمت على الشركة بالانهيار وانت انقدت الموقف باللي سبتهولك الست ولدتك الله يرحمها..

 

محمود..يا راجل هي مش ولدتك اللي حضنتني وربتني بعد ما ولدتي توفت عمرها ما عملت فرق بينا يبقا خلاص وبعدين سيبك من الكلام الفاضي ده انا وانتا شركا والدكتر خيري شاهد على كدة..

 

خيري..الله يكملكو بعقلكوايوة صحيح اللي يخلف رجالة ما يموتشي..

 

ناذر..يعني ايه..

 

محمود..يعني الشركة حتفضل زي ما كانت نكبرها وعلى قدما نقدر..

 

ناذر..اللي تشوفويا كبير..

 

محمود..يعني صافية لبن..

 

ناذر..قشطة يا عسل..

 

محمود..هاهاهاها..

 

ناذر..بس انا اللي قاهرني منوازاي كلام ولدك اتغير ولا هوشاف مني حاجة وحشة..

 

محمود..لا والله طول عمروراضي عن اللي بتعملو وفرحان بشغلنا مع بعض واللي جرا ممكن يكون بس خطا..

 

ابليس..انتولسا متجمعين يا هلافيت..وبعدين خطا في عينك يا بعيد انا اللي كتبت الكلام ده كنت فاكرك راجل وحتشفي غليلي لكنك طلعت اي كلام..

 

ناذر.. ربنايكرمك انت طول عمرك رافع معنوياتي بس لازم اعرف اللي مزعل ابوك مني..

 

ابليس..ايوة ابوك دي كلمة حلوة يا راجل ليه يعني يبقى هو الوريث وانت لا..

 

محمود..ايه ابوك دي انت لسا شاكك فكلامنا ده لازم حيكون في غلط..

 

خيري..معلش يا ولاد حقكو عليا انا الظاهر من كثر حبي لمحمود كتبت اللي كتبتو الظاهر اننا كبرت وخرفت  ولو لا انكم عاقلين كنت تسببت فحريقة ربنا وحدو اللي يعلم كانت حترسا على ايه..

 

ابليس..اخرس يا كركوب..

 

محمود..خلاص يا دكتر مافيش حاجة حصلت..

 

ناذر..خلاص يا عم ما جراش حاجة وبعدين حتى لو ابويا كتب كل حاجة باسم محمود محمود ده يبقى اخويا..

 

ابليس..ايوة جرو ناعم انتو الجوز وسبلو لبعضكو..روحو ربنا يفشل مقاصدكوزي ما كسفتوني..

 

خيري..حيس كدة ما دمتو والحمد لله بقيتوسمن على عسل يبقا انا حطلعكو على سر..

 

ابليس..سر ايه يا راجل يا خربان انتا..

 

محمود وناذر..(مع بعض)..سر ايه يا دكتر..

 

خيري..سركبير..

 

ابليس..ايه ايه ايه سر يعني انا اخر من يعلم ازاي تفوت عليا اسراركويا ولادالملاعين..والله الظاهر عجزت يا ابليس وراحت عليا..

 

محمود..قول يا دكتر وريحنا وايا كان السر احنا بردوولادالحج عربي..

 

ناذر..ايوةيلا يا دكتر..

 

ابليس..ايوة والنبي يا عم المقرف انتا..

 

خيري..الحج عربي بكل بساطة كان عندو.......

 

ابليس..هه....كان عندوايييه..اخرص جاتك نيلة ليه الاذية دي..

 

ناذر..كان عندوايه..

 

محمود..ما تسيب الراجل يتكلم براحتو..

 

خيري..كان عندوعشرين ولدغيركو..

 

ناذر..ايه..

 

ابليس..عشرين جن يخش من بقك ويطلع من مناخيرك يا بعيد ايه التخريف ده تفكرهم بيهم ليه هي ناقصا..

 

خيري..معلش انا عارف انكومش قادرين تستوعبو بس دي الحقيقة..

 

محمود..والناس دي كانت فين وامتا ده حصل..

 

خيري..من فترة طويلة جدا..

 

ناذر..طب وهما فين وحنقسم التركة ازاي اثنين وعشرين حتة وكان بيكتب لنا الوصية ليه..

 

محمود..احنا مش فالكلام ده يا ناذر سيب الراجل يكمل ..

 

خيري..لا من الناحيادي ما تحملوش هم رزق ربنا كثيركل واحد من اولادو عندواللي فيه النصيب..

 

محمود..غريبة عمرنا ما حسينا انو في حد فحياتو..

 

خيري..عشان محدش منكوكان عايز يعرف حاجة عن الثاني..

 

ناذر..طب هما فين العيال دول..

 

خيري..كل واحد في حتة..

 

محمود..طب عايشين منين..

 

خيري..رزق ربنا كثير صحيح بعضهم محتاج وكمان في وحدةمنهم لازمها استاصال سرطان والثاني لازمو يتخلص من شوكة نزلت عليه زي القضا المستعجل بس البركة فيكم وفي اخواتهم الباقيين حتساعدوهم وده عشم ابوكم الله يرحمو..

 

ناذر..غريبة انو يطلع لنا اخوات تانيين..

 

محمود..بركة..حنشوفهم امتا دول يا دكترخيري..

 

خيري..لازم تتفقو بينكم على انكم تتجمعووتتكلمووتشوفو احتياجات بعض وربنا يخليكولبعض..

 

ابليس..يادي النيلة الراجل طلع مية من تحت تبن..ما كانشي عالبال ولا عالخاطر انويجي يوم الاقي فيه ولادك متجمعين يا حج عربي بعد ما قاسيت وشفت الويل عشان اخلي امرهم شتات..

 

محمود..مع ان الخبرغريب بس حاسس بفرحة يا ناذر لازم نبقا ايد وحدة ولاد الحج عربي يتجمعوويبقوايد وحدة والدنيا ينصلح حالها..

 

ناذر..عندك حق ياخويا..

 

ابليس..جاكو كسر حقكو يا ملاعين..

 

خيري..يعني نقول مبروك انكو حتتجمعو..

 

ناذر ومحمود..ايوةعلى بركة الله حنكون ايد وحدة وصوت واحد وما حدش حيخش بينا ولا حتى ابليس ذات نفسو..

 

خيري..لولا الظروف كنتودلوقتي ويا بعض بس دخول الغرب بينكو وفيكو هو اللي فرق بينكو..ربنا يهديكولبعض ويصلح حالكو ويساعدكوانكوتنقذواخواتكوملي هما فيه..

 

 

 

 

 

المشهد الاخير

 

 

 

ابليس..يا ولادالايه ..ده انا والنعمة ما كنتش فاكر حاجة عن الحكاية دي انا طلعت ولا ابليس ولا حصلت حتى عتريس..ده انا هباب وتيس..

 

ابليسة ايه ده يا ابليس انت بتعيط هنا على مين..وسايبني متنيلة مستنياك الاهي تتوكس يا ابليس زي ما وكستني خذمن البي وصر..

 

ابليس..حرام عليكي تظلميني كدة..اسكتي مش الراجل الوحش طلع عندويجي عشرين واد غير دول..

 

ابليسة..جرا لمخك ايه راجل مين ده..

 

ابليس..الحج العربي الف شظية نارتحرق جتتو..انا كنت نسيت حكاية ولادودي يفتكرها ليه دلوقتي..

 

ابليسة..وانت مالك..ثم تعالى قلي هنا اشمعنا الناس دي اللي انتا عايز تخاويهم اوي كدة ومربط عندهم هو انتا حاطط عينك على بطاية منهم ولا ايه..

 

ابليس..بط ايه وفراخ ايه وبعدين هواللي عندوشطانة فجمالك وحلوتك يدور على داهية تانية..

 

ابليسة..يعني انا داهية..

 

ابليس..العفو انتي ستي وتاج راسي يلا نخرج من هنا انا اتخنقت ولا اقلك روحي انتي البيت وانا ححصلك..

 

ابليسة..حاضر بس ما تعوقشي....

 

ابليس..اوعو تفتكرواننا زعلان عشان ولادالحج عربي اتلموعلى بعض لا بالعكس انا بقالي فترة كنت عايزهم يعملو كدة عشان بصراحة انا قرفت من خلافاتهم الصبيانية بقت حاجات روتينية وبيئة خالص..وكمان انا عندي حساب مع ناس ثانية..مستغلية الوضع وعمالة تلعب من ورايا..اشي اتحادات واشي توحيد عملة..واشي حكايات يعني مستنيني شوية شغل جامد..اهو تغيير يعني يا اما اموت بالغل والقرف من عيال الحج عربي يا اما اموت بالغل من الناس في الحتةالتانية اللي مش بتسمع الكلام عمالين يشتغلو لوحدهم ومش عاملينلي اي اعتبار..يلا اقعدو بالعافية وامانة اللي سالتو ابليسة عني يقلها اننا ..اننا ..اننا.. تصدقومش عارف اقلها ايه..يعني انا بقيت زي المثل المصراوي اللي بيقول ايه..ادعي على ابني وما حبش اللي يقول امين يقول امين ازاي يا ناس دي حبيبتي دي ابليسة أمري لله حاخذها معايا يلا سلام خليكم حلوين واخزو الشطان..(الناس تخزي الشطان طبعا)..اااه اااه اااه..يا ولاد اللذينا ما صدقتو..راجع لكوبعدعمر طوييييييييل...

 

(ويسدل السيتار)

 

 

 

 

 

 

 

 

 

 

 

 

 

البنت..معلش يا......ربنا يجعلها اخر الاحزان..

 

الولد..امين يا رب..انا اللي شاغلني المشاكل اللي كدة بقدرة قادر اترمت علينا بعد المصيبة اللي حصلتلنا دي

 

البنت ..بتسمي وفاة جدك مصيبة..لا مش كدة ده بتاع ربنا والله جاب الله خاد الله عليه ومنو العوض

 

الولد..تصدقي انتي الوحيدة اللي بتغيري مودي في الدنيا دي كلها

 

البنت ..ربنا يخليك ليا..

 

الولد..بحبك يا بت

 

البنت ..اختشي ..هو ده وقتو

 

الولد..امال امتا..مش احنا حنتجوز..

 

البنت ..طب دكن يا خويا لغاية ما نتجوز..

 

الولد..امتا يا بت نفسي اغمض وافتح ولاقي نفسي ....اه ملي بتمنى الاقي نفسي فيه..

 

البنت ..اتلم مش كدة

 

الولد..امال ازاي..

 

البنت..نعمل العادي اللي بتعملو كل مخاليق ربنا..

 

الولد..اللي هو ايه يا ست البنات..

 

البنت ..البنت ..الجواز يا سيد الرجالة زي كل اثنين حبو بعض..

 

الولد..اكيد طبعا بس..

 

البنت..بس ايه يا........

 

ابليس..انت حتسبها تقرفك كدة كثير..ياخي ده حتى الجواز خيبة للرجالة ..اسال مجرب..(ويضغط على الكلمة الاخيرة )..صدقني البت دي ديتها ورقة عرفي والعب يا معلم ولما تزهق منها غير نمرة تلفونك واديها استمارة ستة..انت حتغلب..

 

الولد..(يتوجه بالحديث الى البنت وهو كله عزم ان يحسم امره معها بما افتاه عليه الشيطان) كدة من الاخر يا بنت الناس انا ظروفي اليومين دول ماتسمحشي اننا افتح موضوع جواز..

 

البنت..(باسف وتساؤل)معناتو ايه الكلام ده يا......

 

الولد..انتي شايفة كل حاجة بعنيكي جدي لسا متوفى والدنيا عندنا تضرب تقلب ومافيش حد فاضي للكلام الفارغ بتاعنا..

 

البنت..كلام فاضي..بتقول على جوازنا كلام فاضي..كدة وبالساهل قدرت تنطقها..

 

الولد..ايوة كدة..

 

ابليس..لالالالا..مش اوي كدة لم الدور ..لازم تخش عليها بالناعم البنت صعبة وماقدرتش تاخذ منها لا حق ولا باطل..وانت تعبان اوي وحالتك تصعب ع الكافر..

 

الولد..اسف..اسف يا حبيبتي..انا اعصابي بايزة خالص..والدنيا مدربكة فوق دماغي حتى امي اللي طول عمري بجري عليها لما اكون مخنوق او محتاج مساعدة مش قادر اكلمها عقلها حيشط منها عشان ابويا وعمي بيدورو على سكريتيرة بدل سكريتير جدي اللي تعب فجاة..

 

البنت..والله يا حبيبي انا مقدرة كل الحاجات دي بس انا بردو ليا ظروفي وخالي  راسو والف سيف اننا اتجوز ابن اخت المحافظ عشان يضمن مشاريع المباني في الشروق و  6اكتوبر.............(وتنهمر بالبكاء)..

 

ابليس..اقفش..دي دموع تماسيح اوع تنخ انت موقفك اقوى يلا قولها على الجواز العرفي عشان توصل للي انت عاوزو..

 

الولد..حبيبتي انا فاهم وعارف ومقدر كل حاجة بس المشكلة الصعبة اللي عندنا هي مشكلة وقت وخلاص..

 

البنت.. طب يا.........العمل ايه..

 

ابليس..يلا اديها في الصميم خليك راجل ' الولد ينتفخ ويتقدم من البنت ويرمي ...

 

الولد..الحل اننا نضرب ورقة  عرفي نعيش بيها حياتنا ولما الامور تتصل حاجي اطلبك من خالك ونتجوز ساعتها بس ما نكونشي انحرمنا من بعضنا ولو لحظة وحدة ..

 

البنت..عرفي يالهوي انايا.......تتساومني بالورقة العرفي..مش مصدقة نفسي انت اللي بتقول كدة ابن الراجل الطيب ..ابن الحسب والنسب..اللي الناس كلها فبر مصر يتحاكو باصلو تقول كدة انت ناسي بابايا الله يرحمو يبقى مين وكان ايه...

 

ابليس..اه دور العنطزة ابتدا اشرب يا عم..بقلك ايه اشكم البنت دي هي تبقا مين  عشان تكرصك كذا..

 

الولد..(بغضب)..ايه ده ايه ده ايه ده..انتي حتعمليلي فيها خضرة الشريفة..

 

البنت..ماسمحلكشي...

 

ابليس..دي مين دي  اللي تسمح لابن محمود العربي..او ما تسمحشي..بقلك ايه اديكو لوحدكو وقدامكو يجي ساعتين خذ راحتك محدش ممكن يسمعها من هنا مستني ايه..

 

الولد..(يتقدم من البنت)..افهميني انا بحبك ونفسي اقضي معاك احلى وقت وادينا فيها اهلي مش موجودين والشغالين برا كمان وممكن نلاقي راحتنا اوي بس انتي هاوديني..

 

البنت..(تبتعد عنه)..ابعد عني انت تجننت انت بتفكر فايه..

 

الولد..(يقاطعها)  انا تعبان ..استني هفهمك..تعالي هنا حقلك كلمة خاصة واحلى كلمة هاوديني انا بحبك ..

 

البنت..(تصفعه)..لم نفسك ايه د هانت مجنون ابعد عني ..ابعد عني..(وتجري صارخة والولد يفضل لوحدو).

 

ابليس..يا سلام يا خويا..لا دكر ..ودكر اوي يخرب بيت الجمعة الامريكي مش قادر تصلب طولك وتسيطر على حرمة ..اخص..

 

الولد..بلا دكر بلا نيلة انا ايه اللي كنت حهببو البنت اللي كنت اتمنى اقضي معاها عمري بطعنها وبكل وقاحة وبرودة دم..

 

ابليس..ههههههههههههههه تطعنها ببرودة دم ياخي اتلهي تلاقيك مش عارف و مش قادرههههههه..

 

الولد..مش قادر ..مش عارف..استغفر الله العظيم..

 

ابليس..(يصرخ)..حتغلط ياابن ال......

 

الولد..اعود بالله من الشيطان الرجيم..ايه اللي انا بهببو ده اعود بالله من الشيطان الرجيم..اما اروح اصالحها ..(ويخرج جريا).

 

ابليس..ربنا يحرقك حتى انتا يا مفعوص ياابن الغلباوي بتلعني اه اه ربنا يحرقكو بجاز..

 

 

 

                                      (وينتهي المشهد).