انا مين...

انا مين...
قلتلي اكتبي وانا بجد مش عارفة اكتب عن ايه مش بعرف احكي عن نفسي عشان كدة حكتبلك عن أي حاجة جات على بالي بس يا رب تعجبك ..
في مرة يا سيدي وانا في سوبر ماركت بشتري شوية حاجات للمطبخ وحاجات حريمي ..بيني وبينك العرض كثير والحمد لله كنت محتارة اخذ دي ولا دي واشتري دي ولا الثانية اللي لسا شيفاها من شوية بجد يعني كنت في عالم تاني وما خدتش بالي ابدا من عيلة صغيرة زي القمر شبطت في فستاني وقعدت تجرني وتقلي
ماما حطيني في العربية
عربية ايه هي مين الحلوة دي ماعرفتش اعمل ايه معاها فضلت بصالها وبكدة زي ما اكون ضفت الزيت عالنار شعللت البنية وفضلت تصرخ والدموع تهطل من عنيها الحلوة انحنيت عليها اسالها
عايزة ايه يا حبيبتي
العربية
عربية ايه يا ماما
شاورتلي على السبت ابو عجل اللي انا بحط فيه الحاجات اللي اشتريتها وقالتلي
دي زي كل مرة عايزة اركب العربية
زي كل مرة ايه ده البنت فاكرة اننا ولدتها يا خرابي على عقل العيال
وبعدين ولدتها فين عيب كدة اما نسيب عيالنا وبالذات في حتة زي دي
جرت فستاني من تاني وقالتلي
ماما ما تحطيني في العربية
فضلت بصالها.. فجاة جي واحد من بتوع السوبر عايزة ايه يا حبيبتي ماركت وخادها بين ذراعاتو وقالها...
شاورتلو على السبت بصلي وقالي يا مدام لو حضرتك تحبي ممكن تحطي بنتك في الحضانة لحد ما تكملي وترجعيلها هناك ممكن تلعب زي ما تحب
فتحت بقي عايزة اقلو بنتي ايه يا أستاذ... لكن البنت نطت من ذراعاتو وارتمت في حضني وشبطت في العربية زي ما بتقول... ما عدتش عارفة اعمل ايه او اقول ايه
بس قلت خلاص مادام عايزة البتاعة دي حاخذ حاجاتي منها واسيبهالها وادورلي على أي عربية انا كمان يا سلام على العيال ودماغاتهم بس الحق على الست مامتها اللي مش واخذة بالها منها ..ماعلينا ان جيت للحق البنت تجنن بفستانها الحلو و جزمتها وكل حاجة فيها حلوة حتى خط سير الدموع اللي اترسم على خدودها الحلوة يعني تحس انها من عالم ثاني او تحس انها شخصية من شخصيات والت ديزني وعدل على السبت ...رسمت ضحكة على شفايفي وانا ببصلها.. مدت ليا ذراعاتها.. نزلت اشوف عايزة ايه حضنت وشي وباستني.. يا لهوي زي ما اكون واقفة قدام شباك ونسمة عليلة لامست كل حتة في جسمي روعة يا ناس الإحساس ده اما الواحد يبوسو ملاك صغير كدة ...ماعلينا انحنيت على حاجاتي عايزة اخذها لما وصل راجل وعيل بتاع خمس ست سنين والبت ابتدت تنط وتصرخ بابا بابا...يا حلاوة.. الحمد لله اهو ابوها جي حياخدها ويسيبلي السبت عشان اساسا انا مش عايزة اروح لحد برا اجيب واحد تاني قرب الراجل مننا وبص على الحاجات اللي اشتريتها وقال لابنو مش قلنا اننا حنجيب كل حاجة ونرجع نلاقيهم لسا بيدورو ..العيل رفع كتفووقالو ستات بقا يا بابا..
ستات ...الله الله الله الناس دي اتجننت ولا ايه السبت بتاعي والي فيه كمان بتاعي غير البت الجميلة دي طبعا... كنت عايزة اقول كدة بس الراجل قليل الادب بعد ما حط الحاجات اللي كانت في ايدو ويا حاجاتي مد ايدو واخد شنطتي وخاد منها ورقة وكمان قزازت عصير اداها للبنت ..ايه جاب الحاجات دي عندي وايه اللي خلاه يمد ايدو لحاجتي لا ... انا لازم افوق بقا هو انا لسا نايمة في قوضتي ولا ايه ..قرب مني وقالي ..حبيبتي انا عارف انك تعبتي ريحي انتي وانا حاخذ كل اللي انتي كاتباه هنا بس انتي خدي بالك من الولاد لحظة وراجعلك..
يا استاذ انا مش فاهمة حاجة...
معلش انا بفك خطك ولا يهمك
هو ايه اصلو ده
اداني شنطتي وباس البنت وشيلهالي ..وقالي خدي بالك من الولاد راجع لك حالا يا حبيبتي...
وقبل ما افتح بقي بكلمة غاب ولقيت نفسي وشي في وش العيلين..اعمل ايه يا ربي ابتديت ادور على حتة أحطهم فيها واهرب مهوما بقاش في حاجة في ايدي الا كدة الناس دي مخها طاقق وانا مش حتحمل حاجة زيادة انا يكفيني الكلية وهمها والمحاضرات ودوشتها والكراريس اللي لسا ما تنقلتشي والامتحانات اللي قربت ..يا رب افوق..وانا عمالة ادور الكلام في نفوخي فجئت بالعيل
بيقلي.. ماما انتي مش ناسية حاجة ..
بصتلو وقلتلو... مين ماما
قالي.. لا انا قلتلك مش ناسية حاجة
قلتلو..معلش مش فاكرة ما هو انا كمان اتجننت انا في سلايدرز ومش دارية في حالي
قالي ..انتي وعدتيني تجيبيلي مونوبولي زي اللي كانت عندك اما كنتي في الجمعة
قلتلو ..مونوبولي وامتا انا قلتلك الكلام ده
قالي ..امبارح يا ماما انتي قلتي ان اللي بيكذب بيروح النار
قلتلو لا اللي بيكذب وهو صغير بتكبر مناخيرو والدكتور بيقطعهالو بالمنشار
قالي ..طيب يا ماما وان كان كبير
قلتلو ..بيخش النار
قالي انتي كبيرة يا ماما
قلتلو اه
قالي ..طب انتي وعدتيني اما نيجي السوبر ماركت نشتري المونوبولي
قلتلو انا قلتلك كدة طب انا اسمي ايه
قالي ماما
اه انا فهمت بس غير كدة باباك بيقلي ايه اما يحب يناديني
بيقلك يا حبيبتي
طب في اسم غيرو
اه بيقلك يا رحاب لما يكون زعلان
طب انا وعدتك بجد
اه يا ماما وعدتيني وما سبنيش افكر جرني من فستاني وانا لهبلي مشيت وراه والعيلة في ايدي وصلنا لقسم اللعب واخذ واحدة من كراتين المونوبولي بالظبط زي اللي عندي بس متغيرة عليها في الحجم شوية حضنها وكانو بيحضن حيوان اليف او بيبي وانا فضلت اتابع بيعمل ايه وما خدتش بالي من الامورة الصغيرة اللي مدة اديها لعلبة عروسة اكبر منها وعينك ما تشوف الا النور وقعت كل الكراطين ولقيت نفسي بتاسف لبتاعت المبيعات وبجمع معاها وهي المسكينة بتقولي
ولا يهمك يا مدام عادي ده ممكن يحصل حتى للكبار ولا يهمك يا مدام اهلا وسهلا
يا لهوي ما عدتش عارفة اودي وشي فين من الكسوف وهي بتمد اديها للبنت بالعروسة وبتقولها اتفضلي يا حبيبتي عروستك اهي
يا لهوي اقول ايه للعبيطة دي انا حجيب ثمن الحاجات دي منين انا حيا الله جيبة ملاليم اشتري بيها شوية حاجات طيب ومالو انا حاخذ الولاد والحاجات واسيبهم على باب السوق واروح بس شنطتي فضلت في السبت يعني ما ينفعشي
عند بتاعت الحسابات لقيت الراجل بيحط الحاجات على البتاعة دي اللي بتمشي والبت اللي قاعدة قدامها بتبتسملو ومركزة خالص معاه اما وصلت انا وولادو اتحرج بس بيني وبينك انا اتغضت اوي وهو حس بكدافانقذ الموقف بسرعة مش فاهمة اساسا اساسا انا مالي ومالو زعلت ليه اول ما شفت الست بتضحك وياه
معرفشي بس في حاجة انا مش عارفاها قرب مني ومسك ذراعي وقالي عملتيها
قلتلو عملت ايه قالي اشتريتي اللعب اللي كان نفسك فيها قلتلو انا لا طبعا ده ابن حضرتك قال ان مامتو وعدتو بمونوبولي قالي اه ما انا عارف حضرتك اما تعوزي تلعبي بتخلي الولاد يحطوني قدام الامر الواقع
انا بردو انت اتجننت
اه سعدتك اتجننت يوم ما وقعت بينك وبين حبيبك واحنا في تانية جمعة واخدتك منو بس اعمل ايه بحبك
يعني ايه هنا سمعت صوت الست بتاعت الحساب بتقول اللعب يا مدام
اخد هو الكراطين وبابتسامة جذابة حطها قدامها ورجعلي وقالي حبيبتي احنا بكدة خلصنا نص المهية يعني الستاير الجديدة حتفضل متعلقة كمشروع لحد الشهر الجي ان شاء الله
ستاير ايه وهباب ايه ايه المجنون ده دفع الحساب وانا طول الوقت عايزة اديلو العيلة اللي كل شوية تقولي العروسة العروسة دفع هو الحساب ورجع الحاجات للسبت وقالي يلا بينا ما تحركتش شدني من ذراعي وقالي يلا يا حبيبتي حنتاخر انا عايز نخلص بسرعة من الحاجات دي مش عارفة ايه اللي جرالي ما قلتش حاجة مشيت جمبو لغاية العربية وبسرعة شال في شنطتها كل اللي جابو والعفريت الصغير اخد مكانو ورا وكمان الامورة الصغيرة..كدة كويس ابقا اخد شنطتي واروح عشان انا زهقت بجد من التمثيلية دي ..من فضلك شنطتي..اهي عايزة حاجة ...لا عايزة بس اروح...طيب ادينا مروحين اركبي..
اركب فين لا لحد هنا وخلص الكلام انا حروح لوحدي وبعدين انا ساكنة قريبة من هنا ...ضحك وقالي طيب يا حبيبتي هما امتا جابو ابو يوسف لوسط اسكندرية
لا خفيف..انا ساكنة وسط البلد طيب يا ختي من امتا ان شاء الله جميلة او ي الثمثيلية دي خشي واما نوصل البيت نكملها ..يا استاذ اديني شنطتي وسبني اروح انا ساكنة في حي جامعي والبواب مش حيسبني اخش لو عدت الساعة ستة ...ما دريتشي الا وهو جمب مني وقالي طيب يا ستي كارت الكلية فين في شنطتي ما انا من الصبح عمالة اقلك ادهالي ..اخد الشنكة بعصبية وافرغ محتوياتها على كرسي العربية وقالي هي فين دي ممكن تكون دي واخد في ايدو كفولة بامبرز او ممكن دي وشاور على تريكو صغير او دي طيب وشاور على لعبة صغيرة انا ما كنتش عارفة اقول ايه فضلت متنحة قدام باب العربية هو جمع اللي بعترو على الكرسي من تاني في الشنطة وادهالي و دفعني جواها وقفل الباب وراح راكب هو كمان واما قعد قلي اربطي حزامك ما عملتش حاجة ربطهولي وبصي لي وقالي ايه الجنان ده مين الست اللي متصورة ويانا دي خلتي وشاورلي على صورة صغيرة متعلقة في طابلوه العربية ...ما جاوبتش مش عشان ما كنتش عا يزة بس عشان ما كنتش عارفة انا شكلي ايه بجد انا ساعتها ما عرفتش شكلي ازاي وخفت ابص لمراية العربية مش عارفة ليه بس جوايا كانت حاجة بتقولي ولا يهمك سيبي نفسك حتفوقي حتفوقي تحرقي دمك ليه ويا العبيط ده وفي الحلم كمان ...مشينا بالعربية يجي ربع ساعة وصلنا بعدها لمنطقة كلها فلل فتح باب الجاراج طوماتيكي اللي رجع اتقفل لوحدو.. وشال الحزام وسكت المتور ونزل وجي فتح بابي وقالي انزلي وشال البنت اللي كانت نامت نزلت زي المتخدرة مستنية لحظة اننا ايه ...اصحى من الكابوس ده المهم الولد الصغير جري على سلالم تبعناه دخلنا لمطبخ ما شاء الله عليه ترتيب جنان بس اللي لاحظتو انو بالظبط شبه مطبخ ماما يعني نسخة طبق الاصل ازاي مش عارفة المهم اما وصلنا لهول الفلة اداني البنت النايمة وقالي خدي نيمي البنت وخلي ابنك يغير هدومو انا حعمل بدالك العشا وسيبي الحاجات في العربية انا الصبح حرتبها وياكي عشان الليلة مش عايزين نضيع وقت ...بصتلو باستغراب قالي عايزة اقوليك حاجات مهمة الليلادي يلا اطلعي
مش عارفة ما عرفتش اجاوب اما حطيت رجليا على السلمة الاولانية ندهلي رحاب قلتلو اه قالي بحبك..ما عرفتش اقول ايه تبعت الولد وعبر السلالم اللي بتودي للدور الاولاني شفت حاجات غريبة مجموعة صور للعيال وابوهم والست اللي شفتها في العربية وديت العيال لقوضتهم استنيت اما الباشا الصغير غير هدومو ونزلت وشفت حاجة ما خدتش بالي منها اول ما طلعت السلالم شفت مراية بطول الحيطة اللي قدام قوضة العيال وفيها شفت نفس وش الست اللي شفتها في الصورة على طابلوه العربية.........