مسرحية قصيرة عن الانفلونزا
ب.. هاتشووو..
ن..مالكي علا هاد العطسة..
و.. حماقيتي اش درتي علاش عطستي ليا فوجهي..
ب.. وصافي سمح ليا هاديك غير عطسة صغيورة..
ش..وصافي سمح لياااا....
و..هاديك لعطيسة الصغيورة راها هازة ملايين ديال المخلوقات....
ب.. تسحاب ليك راسك فشي رسوم متحركة لعب خلاص..ولا غاتهاجمك المخلوقات الخطيرة ديالي هااااااا
ن..المخلوقات الخطيرة ديالك..ماما..
و..بعدي ايدك عليا..
ب..غير كانلعب معاك..
ش..كاتلعبي معاه ..بالمخلوقات الخطيرة...
و..اشمن لعب.. باقي ما فهمتي..كون سمعتي المعلمة اش كالت لينا لبارح كوراك تخلعتي من هاداكشي اللي درتي..
ش..ايه بصح كالت لينا شي كلام خطير..
و..هادشي اللي درتي غلط..
ب..اويلي انا غير عطست ..غلط كلشي عندكم ولا غلط..اللي درتها كاتكول عليها غلط..شتي كون كانت عندي شي ختي كوراني كانلعب معاها وما ندويش معاك كاع..
ن..ياك انا بنت خالتك وكانلعب معاك ديما..
ب..مشي بحال كون كانت عندي اختي..
و..شوفي هادشي من مصلحتك اومصلاحتنا انشرح ليك..ومن بعد حكمي ..
ب..يالاه شرح ليا..
و..شفتي الجسم ديالنا كلشي اللي فيه حي...
ش..العينين الدم القلب كلشي...
ب..هاهاهاهاها قديمة كولو شي حاجة جديدة..
و..واخا وهاداك اللعاب اللي كيخرج مع العطسة راه حي حتى هوا..وعامر..
ب..هاهاهاها ما تكولش ليا عامر بالديناصورات والكروكوديلات..
و..بحالهم واحد المخلوقات صغيورة بزاف كاتشاف غير بالمنظاروهاديك المخلوقات خطيرة..
ش..خطيرة جدا..
ب..اه خطيرة انا عندي مخلوقات خطيرة في فمي..
و..وملي كايكون الانسان مريض كاتكون اسميتها الميكروبات وملي عطستي الالة راها تنقلات في الهواء وتقدرتعادي لخراين اللي معاك اللي هما انا وولاد خالتنا..
ب..اه فهمت اوا انت كول خايف على راسك ..
و..خايف على راسي وعلى الناس لوخرين وبعدا من الادب انك ملي تعطسي.. تعطسي فكلينيكس ولا فلمشوار ديالك ولا حتى تحطي غير دراعك قدام فمك..
ب..واخا اسيدي وزيدو نلعبو دابا..
و..اش لعبو وانتي ملي عطستي مسحتي فمك بيدك ويدك عمرات باللعاب وملي غاتشدي الكورة غاتعمريها وانا غادي ناخذ الكورة وغادي حتى انا نمسح وجهي ولا نيفي وغادي نتعادى..وولد خالتي غايشدها تاهوا وحتى بنت خالتي وكلنا غانوليو مراض..
ن..ماما..
ب..تعاداو اوا هادشي كولو الى كنت مريضة..
و..الله يحفضك ولكن ممكن تكون شي حاجة وماما كاتكول لينا ديما الوقاية خيرمن العلاج..
ب..وكاتكول لينا لعبو غير شوية وسيروتحفضو وزيدو نلعبو غايفوت الحال..
و..تاني...
ب..صافي اسيدي هانا غانمشي نغسل ايدي وعاد نجي نلعب معاك..
و..وش..الوقاية..
ب..ون..خيرمن العلاج..
ليست هناك تعليقات:
إرسال تعليق