اشتياق..

اشتياق..


اشتقت اليك اجمل اشتياق..
ايها الجميل البهي.. الجمت افراسي واحكمت الوثاق

استوديو2M

استوديو2M

بعد ان كان البرنامج في الحلقات الاولى منه عبارة عن عرض لاجساد فتيات اصبح في الحلقات المتاخرة عرضا لاصوات غنائية نتمنى ان يشعر اي باحث عن تقدم البلاد بالمسؤولية امام الله وامام افراد هذاالمجتمع.. هنيئا للفائزين..

الف حيلة وحيلة..

الف حيلة وحيلة..
عشان دنيتنا تفضل جميلة..
ايها الشعب المقدام..
بعدما درسنا حالات الاغنياء..
في بلدنا وحصل لنا العناء..
مما يعانيه هؤلاء..
اصدرنا فرمانا كالاتي..
شعبنا لا بد ان يكون شعب فقراء..
لان الفقراء في الجنة اغنياء..
ومن نار جهنم عتقاء..

الف حيلة وحيلة..

الف حيلة وحيلة..

عشان دنيتنا تفضل جميلة..
يا سادة يا شطار..
ياهل البلد يا كبار..
اصدرنا فرمانا كالاتي..
عشان ما اللحمة غليت ..
الشعب حيبقى نباتي ..
وبلاش الكريب فروت والجيلاتي..

الف حيلة وحيلة..

الف حيلة وحيلة..

عشان دنيتنا تفضل جميلة..

يا سادة يا كرام
تمنياتنا ليكو بالسعادة والوئام
اصدرنا فرمان كالاتي..
عشان ما السكن لازمو خلو رجل وتقسيط..
لازم شعبنا يسيبو من التنطيط..
بين التفكير والتخطيط..
ويعمل مخيمات ومعسكرات
..في الشوارع والصحرا والغي

صيرورة...

صيرورة..


يفيض الفجر من شقائق النعمان
وياتي الصبح ممتطيا صهوة الغيم
وتاتي الشمس رافلة في خيوطها الذهبية
وتزين وجه السماء
هكذا تتعاقب بحب الايام

ها انا ذي امسك الريح..

ها انا ذي امسك الريح..

ها انا ذي امسك الريح..
انسج من نسائمها راية..
انثر عليها من احلامي..
الف نجمة ونجمة..
-----------------------
مملكتي السعيدة..شعبي النبيل..
يسعدني ان ازف اليكم مقدم مليككم..
فهللو فعرش مملكتكم لم يعد فارغا..
-----------------------
ايتها الزهور..
تفتحي وابتسمي..
ايتها الشمس..
اشرقي واقتسمي جمالك مع الروابي..
ايها الحب..
اخرج على شعبي
وحدثه عن احلامي

الف حيلة وحيلة عشان دنيتنا تفضل جميلة..

الف حيلة وحيلة عشان دنيتنا تفضل جميلة..

الف حيلة وحيلة عشان دنيتنا تفضل جميلة
يا سادة يا كرام
بعد اللي شفناه من حال الرعية
ناس بتكد وتدرس
اشي فعين شمس واشي الجمعة الامريكي
وفي النهاية مافيش شغلة لا ليه ولا ليا ولا ليكي
عشان كدة اصدرنا الفرمان الاتي
الكتاب المدرسي هو الحل
نملاه تهييص وكلام فاضي
عشان اما عيالنا
تخش الفصول
تتعلم قلة الادب والعبط على الاصول
فتقوم تطلع ...
اعزكم الله حاجة بودنين
لا تسال دا كان فين ولا دا جي منين
وبكدة احنا وانتو نفظل متهنيين

..2mأستوديو

..2mأستوديو


وأنت تشاهد هذا البرنامج تحس انك تتفرج على فتيات بلباس غرف النوم كيف لنا أن ننظف مشهدنا الثقافي والفني إذا ما اعتبرنا أجساد بناتنا بابا من أبواب النجاح البصري..إلى متى سنستهزئ بشبابنا أما كان من المجدي إن كان لابد أن نصنع مثل هذه البرامج الفرجوية أن تمر البرايمات نظيفة وان تلبس الفتيات لباسا محترما ..كفانا من تعليم بناتنا أن أجسادهن مفاتيح كل الأبواب الصعبة ..(والفاهم يفهم..).

تحية...

تحية...


انا ححكيلكو حكايتي بس يا ريت اللي يقراها - يبقى يخرج منها كل اللي ممكن يخرج من حاجات انا نفسي اقلها و مش قادرة اقلها علنا - ..يعني ببساطة عايزة حضراتكم تقرو ما بين السطور ....
انا تحية عبد الرازق الحسيني تسعة وثلاثين سنة متجوزة وعندي طفلين ومسجونة ايوة مسجونة متتخضوش اتسجنت في قضية بقالي ثلاث سنين وفاضلي ثلاثة عشان اخرج من زنزانتي وممكن اطلع بثلاث ارباع المدة ..وده المحامي قالي انو شبه مؤكد ..بس المهم في حكايتي مش الكلام دوة المهم انا خشيت هنا ليه...استنواما ابل ريقي ..الله المية منعشة..المهم انا من ثلاث سنين وثمنتشهر كنت راجعة من السوق القريب من حارتنا ..وانا اصلي تخينة يعني مشيتي على قدي اللي يشوفني يفتكر اننا بمشي متختخة عشان الفت النظر والله على طول بلبس حاجات واسعة جدا و بحاول ما اخرجشي كثير الا للشديد القوي وبعدين اعمل ايه انا بساعد جوزي اللي خلي شغل بعد ما طرقوه من مصنع القطن ..قال ايه القطن طلع منو حشرات هجمت على بيوت الحي والناس اشتكت طيب ...مالناس معاها الحق انها تشتكي وتحرق لكوالقطن كمان انتو مش في ميزانية عشان التنظيف ومقاومةالحشرات بتروح فين دي وبعدين حتى لو ثم نقل المصنع جوزي ذنبوايه ما تنقلوه هو كمان اشمعنا حضراتكوما تمش الغاءخدمتكو ويا ريتكوكنتو صبرتوه بثمن تكتك يجيب عليه قوت عيالو لا حول الله يا رب ...المهم من ساعة ما قالولو هوينا ما تلزمناش وانا بجيب شوية هدوم من عند الست جملات الله يقويها ابنها شغال على عربية نقل كبيرة وبيروح بور سعيد كل شوية فيجيب بالة هدوم برخص التراب معرفش يبيفوتهم على الجمارك ازاي ..المهم انا باخذ الهدوم دي وبدور بيها على البيوت مرتين في الاسبوع وبكدة بطلعلي بقرشين بشتري بيهم اللي يلزمني لاكل العيال وكمان سجاير لجوزي اللي مش عارفة حيعمل ايه في حياتوخصوصا وان جزمتو اتقطعت وهو بيدورعلى شغلانة واخرتها رسي على شيال فاعل في مباني مشروع ابني بيتك وهناك حكايتو مع بلطجية العرب حكاية بس جوزي مساير وكافي خيروشرو اهو يتحركلوشوية بدل نومةالتخت دي اللي فقصت مرارتو ومرارتي على فكرة الشغلانةدي مش جايبةهمها تجيبوازاي وحق المواصلات بالتكتك بس تاخذ لها سبعة جنيه وده عشان هو بس مسكين اصحاب التكاتك بتتفاوض ويا الناس على عشرة خمستاشر وبتوصل لحد خمسة وعشرين للتوصيلة... ياه الناس اللي بتخطط دي بتخطط مش همها خراب بيت الشعب المسكين مش كان حقهم يشغلو خط اوتوبيس بدل البهدلة اللي الناس فيها دي... ما علينا شفتوانا بقيت بتكلم زي بتوع السياسة تمام بس اعمل ايه من حرقتي... المهم ..كان نفسي اجمع قرشين يشتري بيهم تكتك يشتغل عليه في اي حتة الهرم المدن الجديدة اللي بتطلع زي الماشروم دي اي حتة المهم يرحم نفسومن اللي هو فيه ..
الظاهر اننا سحت بيكم ..المهم انا كنت راجعة في يوميها من السوق وقال ايه واحد جاي ورايا وبيعاكس وبتاع.. يا شيخ اتنيل هو انا ندهتك ولا حتى شفت ناحيتك ايه التلاقيح دي اجي هنا يجي ورايا اروح هنا يجي بردو يعني خنقني يا اخينا انا جايبة خضار وانا ست بيت وعندي عيال حل عن سمايا ...لا وراسو الف سيف اننا اكلمو خفت الم عليا الناس وفي حارتنا مافيش اجمل من لمة الناس على ست وراجل بيسيحو لبعض قدام الخلق لا وايه ما حدش يتدخل يعني كدة كدة حتبقى فضيحة وبس وبعدين الظاهرعليه نظيف من ولاد الذوات بس عايزلو سمكاية رخيصة تشبع ليلو ..المهم معلش انا بقول كلمة المهم كثير بس استحملوني وحتستحملوني عشان انتو حتموتو وتعرفو قصتي كاملة ولا يهمكوالسهرة صباحي انا فاضية مسجونة بقا وما وراييش حاجة.. كل التزامي هي عشرساعات في اتلييه السجن بتعلم حاجة تحفة صناعة يدوية الله يكرمهم بيعلموهالنا لا وايه حطلع بشهادة وحعمل مشغل ان شاء الله اول ما اطلع من هنا وعلى فكرة انا تعلمت القراية والكتابة كمان وببعت رسايل وكمان تعلمت اكتب على البتاع اللي اسموايه ده ايوة هو ده الكمبوتر وبقيت بعمل تشات يوم الاربع مع جوزي ساعتين قبل صلاةالعصر
...المهم..اكمل لكو..تعملي ايه يا تحية..تعملي ايه يا تحية ..فكرت وتكتكت وقلتلو
خلاص انا مش عايزة مشاكل في حتتنا ممكن نشوف بعض في حتة ثانية بس مش النهارضة ومش هنا
فرح الغبي وقالي
اوكي يا ست الكل بكرة اشوفك في حتة قريبة من نادي الضباط بالمهندسين في كافتريا اسمها كافيتيريا الزهور..
خلاص يا باشا حجيلك
وخذت بعضي وقلت الحمد لله اهوحيطرق لوحدوورحت ماشية وانا نفسي اطير عشان اهرب منو بس هووقفني من تاني .. الله الوحش رجع في كلامو ولا ايه ..ابتسمتلو وقلت
ايوةسعدتك...
والراجل اتفتح على البحري وقالي خذ يا جميل دي ثلثمية جنيه شبرقي نفسك بيهم واركبي تاكس وتعاليلي وانا حزبطك ...يا لهوي ثلثمية جنيه انا اخري الورقة ام مية جنيه .. في لحظة والفلوس في اديا حسيت نفسي زي ما اكون حميدة بتاعت زقاق المدق.. ما قلكمشي انا خذت منوالفلوس وقلتلوبكرة الساعة اربعة ..سبني الاهبل بكل بساطة وقالي حستناك يا جميل..ما سبتوش يكمل كلامو وجريت هوا على البيت وكل شوية ابص ورايا ليكون تابعني بس الخايب ما تبعنيش والحمد لله.. وصلت البيت وانا قلبي في بقي لقيت جوزي مستعوقني قعد يسالني اتاخرت ليه وبتاع حكتلو على كل اللي حصل ..كنت فاكرة انو حيزعل وحيتنرفز بس الراجل سكت وقال اعمليلي كباية شاي اخذ الشاي وخش قوضة النوم ولما طلع بعد ساعتين وكان ما فيش حاجةحصلت ولا كاني قلتلوان واحد عاكسني اخي على رجالة اخر زمن ..رجالة مين اخي على الفقر وقلت الحيلة اللي بقت مخلية الرجالة اكياس جوافة ما علينا لما طلع سبعي جرا بنا الحوار الاتي حلوة دي الحوار الاتي زي محمد هنيدي في واحدمن افلامولحسن تقولواننا مش مثقفة افلام اه ومال المهم يادي المهم اللي كاسفاني على طول...
تحية ايه رايك نشتغل مع بعض..
ازاي..
تصوري لو واحد من قلالات الادب دول كان في جيبو الف جنيه وادهالك..كام عملية كدة ونطلع من الخرابة دي وممكن اجيب تاكس..اشتغل عليه وانغنغك يا تحية..
جرى ايه يا راجل ده يبقى حرام ..يخيبك لهوانت مش راجل ولا ايه..
راجل..ايه يا عمتي هو انتي مش شايفة حالتنا بقت ازاي ..
رضى ورحمة من عند ربنا ..
يا سلام والناس اللي بتلعب بالفلوس دي في حد يرمي ثلثمية جنيه عمال على بطال
انت تجننت يا راجل انا الحال المايل ما يعجبنيش خلي عندك دم ده انا ام اولادك وبعدين يا راجل ما حستشي بالغيرة عليا ولا حتى عنفتني زي عويدك على حاجات بايخة ودلوقتي فرحان وعايزني اشتغلك في السكة البطال اخص..
مين قال اننا حسيبك تروحي للسكة البطالة انتي كل اللي عليكي تجيبي الزبون لحتة فاضية و احنا حننظفو ونظبطو..
تظبطوه لهو انتو مين..
انا والاسطا سعد اخوكي...
يا لهوي انتا ناوي تخلي اخويا حرامي...
حرامي ايه يا عبيطة .. مش احسن من الغريب..هو مش خالي شغل زيي ولا اياكشي يكون اشتغل مدير شركة الاسكان بعد ما كرشوه من مصنع القطن..ما تفوقي يا تحية... يعني عجباكي عيشتنا..
مالها عيشتنا احمد ربك يا راجل وبوس ايدك وش وظهر غيرك مش لاقي اللظا..حنتبتر عالنعمة..
الف حمد ليك يا رب ..بس يا تحية مش عيب اننا نقب على وش الارض..
من حر مالك وعرق جبينك مش من المال الحرام يا راجل اتقي الله..
لا حول ولا قوة الا بالله يا ست الستات ده مش مال حرام اولاد اللذين دول بيلعبو باموالنا وبعدين ده يبقا اسمو اعادة تقسيم الثروات ..
ايه..ايه..ايه قول تاني كدة بقيت مثقف وبتكلمني بالنحوي يا راجل..
ايوة امال دي انا حفظتها من احمد السقا في فلم حرب اطاليا ..
لهو انتا فاكر نفسك احمد السقا يا راجل كش..
ايه ده يا ولية احمدالسقا مين ده انا حتى احلى منو وبعدين حيكون احسن مننا بايه بصي احنا حناخذ بما يرضي الله
بما يرضي الله..هههه ضحكتني بعد ما عكننت عليا انتا تجننت يا راجل..
خليني اكملك بصي يا ستي احنا ناخذ اللي يجيب لينا تاكس وما نمدش ادينا لقرش تاني..بالك يا بت لو جبت التاكس حشتغل عليه انا واخوكي سعد وحنغنغك واستتك..
عشمتني بالحلق خرمت انا وداني..طب يا خويا خذ الثلثمية جنيه وهات لنا عربية كبدة اوفول.. خضار اي حاجة ان شاالله غزل البنات وتعالى نشتغل احنا الثلاثة وسيبك من الهبل بتاعك...
لهوانتي فاكرة ان الحاجات دي حتجيب حق التاكس لا يا هانم الحاجات دي هي اللي حتاخذ منك كل يوم والثاني حتلاقي نفسك في الكركون محدش حيسيبك في حالك.. مرة بتوع التموين مرة بتوع الصحة وممكن بتوع الاثار...بصي يا بنت الناس..العملية ما فيش اسهل منها وبعدين دي مش حرام ولا حاجة ..
والله..
اه.. وبلاش التريقة بتاعتك دي ولا انتي يزعلك ان ولادك يروحومدارس زي ولاد الناس ويلبسو زي ولاد الناس وناكل عيش نظيف ما نخافشي يكون فيه حتة قزازاو مسمار مصدي نفسي نسكن في حتة نظيفة لما تخرجي مابقاش قلقان عليكي واما بنتي تكبر وتروح مدرسة ما بقاش خايف لحد يخطفها نفسي في هدمة نظيفة واكلة حلوة نفسي اعيش بقا ....ربنا يهديكي..خلينا نجرب حظنا ونجيب اللي احنا عايزينوونجوزاخوكي بدل الصرمحة في الغرز كل ليلة ..قلتي ايه...
وحقول ايه انت ما خلتليش جاجة اقولها نفسك تشوفني لابسة جلبية السجن البيضة ومالو انت برضو جوزي واللي تقول عليه امين عليه..
تف من بقك بعد الشر عليكي يا حبيبة قلبي...
بس في شرطين... لا هما ثلاثة...
اشرطي زي ما تعوزي وانا طوع امرك...
الشرط الاولاني ..اننا نجيب حق التكس ونتوب..
حاضر..
الشرط الثاني..وده الاهم بالنسبالي انك تسيب السجاير ..
من عنيا وادي العلبة وادي الكبريت واديهم حيتحرقو قدامك وعمرك ما حتشوفيني ابص لسجارة تاني...
الشرط الثالث ..انك تضمنلي انك ما تتجوزشي عليا بعدما تبقا متريش
يخرب بيت عقلك يا تحية انا بردواللي اتجوزعليكي..انا طالب رضاكي وعشان ترتاحي التاكس والبيت واي حاجة نشتريها حكتبها باسمك..قلتي ايه..
لا يا اخويا الحق حق احنا شركا في كل حاجة يبقا النص بالنص..
عاقلة يا بت حاضر اللي تشوفيه....
بس بردوده حرام..
يا وليا الحرام اننا نسيب الفرصة تضيع مننا ...بصي احنا نشتغل ونحصل ثمن التكس ونقفل عالموضوع ....
ربنا يستر..
ايوة كدة خليكي حلوة امال...
وكان اللي كان ...انتو لسا معايا ولا زهقتو وسبتوني سايقة عليكو النبي تكملو الحوار للاخر....المهم بقيت اخرج من البيت مرتين ثلاثة في الاسبوع اعمل الشويتين بتوعي واودي الزبون لحتة هادية يستناه فيها جوزي واخويا يقومو بالواجب ونرجع كلنا البيت والحتة اللي نروحها ما نرجعلهاش تاني ..بس اللي كان بيغيضني ايه الحالة اللي بقيتو عليها يا ولاد بلدي كلما تندهلكو وحدة تجرو وراها من غير تفكير.. انا صحيح لا كنت بقف في جمعة الدول ولا محمد علي ولا اي حتة من دول اللي على بال السامعين بس تلاقي الرجالة في اي حتة مستنيين اللي تندهلهم ندهتهم نداهة..ولا على ايه ربنا يهديهم الحال مايل في البلد كلها مش عندهم لوحدهم هو انا ايه اللي كان خلاني اعمل كدةغير لقمة العيش اللي مش قادرين نتهنا بيها ما علينا لو انا خشيت في الموضوع ده انتو اكيد حتزعلومني حكم انا طولت كثير في حكايتي وانا متاكدة وعارفة ان انتو ما معاكمشي وقت ليا ربنا يخليكو زي ما انتو واسمعوالبقية..ههههه مش حقلكو نطلع فاصل ونرجع لكم ما تسيبوناش ما تروحوش في ايحتة..لماظة.. ولا معتز الدمرداش في برنامج تسعين دقيقة يا لهوي عالراجل ده يتاكل اكل اللي متجوزاه امها دعيالها اوعو فكركو يروح لبعيد انا سبعي حلو وجامد وغضنفر بس الجمال بيحبو ربنا ومعتزده ربنا يحفظو مزجامد يالهوي عالدش وسنينو ادي اللي خذناه منو معلش والنبي سمحوني ..المهم ..اشتغلنا كذا شهر والقشية بقت معدن وجمعنا كام الف حطهم جوزي جوا في جوز شراب ودفنهم في المرتبة و ما لمسناش منهم قرش صاغ..انا بشتغل ببيع الهدوم زي عوايدي وجوزي وسعد اخويا بيشتغلو في الفاعل بيومية مش بتكفي بس رضا..في مرة لقيت زبون لقطة خشيت عليه بالشويتين بتوعي جبت رجليه اخذتو لحتة وخلعت انا وسبت الرجالة يكملو شغلهم بقا ..الراجل كان معاه الفين وسبعمية جنيه يعني مهية واحد محترم ...خلصت الليلة وقفلنا على الحكاية في اليوم الثاني كان عليا اننا اروح اجيب حاجة من نفس الحتة اللي جبت منها الجدع ...وليكو بقا يا حضرات تخمنو اللي جرا...خلصت الحكايةعلى كدة ...خلصت ايه دي لسا حتبتدي وبعدين انا لسا فيا اللي يتكلم..يعني جات على كدة...الراجل اللي احنا قشطناه امبارح شافني وعينك ما تشوف الا النور انا ما شفتهوش راح جايب عسكري وراحو واخذيني عالكراكون وانا رحت معترفة بكل حاجة بس ما تكلمتش عن الفلوس المستخبية قلت ان احنا بنصرفها على طول كدبت طبعا بس ده حقي خلاص منا حاخذ جزاتي عشان النصب بس ما حدش حيديني حقي في اني مواطنة ولازمني اعيش عيشة كريمة زي كل الناس اوع حد فيكو ياخذ كلامي جد ويروح يسرق ويخبي انا حالة خاصة ست هبلة والاهبل ما حدش ياخذ بكلامو...المهم قالولي مين شريكك قلتلهم على اللي فيها راحو واخذين تلفون جوزي وقالولو مراتك عملت خناقة وهي في القسم دلوقتي تعالى خرجها لو عايز..الاهطل جي على ملا وشو عشان تعرفوانو بيحبني موت وكمان جاب معاه اخويا سعد مش عارفة ليه بس يمكن يكون عقاب ربنا لينا ...المهم اتعمل لينا محضر واكدنا اننا بنصرف الفلوس اللي بنحصل عليها اول باول يعني مش محوشين حاجة ولا عندنا اي فكرة عن الحكاية دي ..وحنا مترحلين في البكس على النيابة ضربني جوزي وقالي
ياغبية كان فاضل ستمية جنيه على حساب التكس وانتي ضيعتينا ...
ياخي تنيل والله النهرضة انا اتاكدت انو مال حرام ..
حرام.. بركاتك يا شيخة..اديكي قريتي فيها وادينا اتنيلنا اتقبض علينا يعني حبكت تيجي للحتة دي يا مستهترة
العسكري ابو طربوش ده صدعناه فقال لنا بلهجة بلدي حلوة كدة
انكتمو في يومكم الاسود ده..
حاضر ياخويا قفلنا خشمنا اهو...
هو سمع حاجة ..
لا يا فالحةاحنا كنا بنتوشوش لو سمع كان زمانو وقف البكس وقال للضابط على اللي قلناه
وفات الوقت بطيئ جدا وقعدنا احنا الثلاثة في قفص الاتهام ويا مساجين كثر تقولشي كل مصر مسجونة وفاتت تمانية واربعين قضية واحنا قضيتنا نمرةتسعةواربعين سالنا القاضي شوية اسالة جاوبناه بعدها قال كدة حاجة بالنحوي وقال الحكم بعدالجلسة وراح هووالبهوات اللي كانو قاعدين معاه خارجين من باب وراهم وبعد شوية رجعو تاني وهات يا كلام بالنحوي انا اللي كنت بفهموهوحكمت المحكمة حضوريا على المتهم بكذا سنة اوبالمؤبد او بالبراءة وجي دورنا وحكم عليا بست سنين وجوزي واخويا بزيهم عشان كنا شركا.. وبس خلص الكلام...استنو هنا انتو ماصدقتو خليكو قاعدين انا لسا ما كملتش طب ما حدش فيكم سال بنتي وابني راحو فين ايوة هو ده الله ينور عليك يا باشا فكرت بس يا بيه لا مش الملجا ولا اصلاحية محدش من حضراتكو حيصدق... الواد سعد السهتان كان ضارب ورقة عرفي مع وحدة من بنات الجيران واما اتقبض علينا جات جري هي وامها الله يسترها معاها وعرفنا اللي فيها مش عارفة على قد ما كنت زعلانةمن الواد عشان خبا علينا جوازتو على قد ما كنت فرحانة باختياروالبت كانت لهطة قشطة حلوة بشكل ومعاها دبلون بس بتشتغل خياطة في مشغل من بتوع الذوات في النزهة مصر الجديدة عارفينها...بس انا طبعا مش حديكوالعنوان انا مش عايزةاميل بخث الواد لحد منكويروح يلهفها منو المهم الست وبنتها اخذوعيالي والمساكين طلعومقطوعين من شجرة وبقوم يجيبوهم معاهم في كل زيارة ...وايه كمان يا تحية انا خلصت ولا لسا .. شكلكو عايزين تزوغولا مكانكولسا في حاجة انا اخذت الورقةالعرفي وحرقتها ..ايوة..حرقتها.. متخافوش انا مش قليلت الاصل انا خليت البت تجيب مؤذون وخليت الواد يكتب عليها..والله وكبرت يا سعدون نذرا عليا اطلع من هنا اعمل لهم فرح اعزم فيه اهل الدويقة كلهم ...ادي كل حكايتي بصو تقريبا هي دي الحكاية كلها بس لوعايزيني اكمل انا ممكن اكمل.. اقفل الصفحة ياد منك ليه ليها يلا سلام ادعولي بقا اخرج من هنا وحوريكوانا حعمل ايه ....لا ما تخافشي يا باشا مش حقشطك وبعدين ايه اللي حيخليني اقشطك لو انت ماشي بما يرضي الله يلا سلام وبعدين خلاص انا تبث بس خلوبالكم الشطان شاطر بس رحمة ربنا اوسع ومصرامنا كلنا في سجن اوبراه هي حنينة علينا يلا سلام وعلى مبيلات بقا باي.

شروق..